غزل هېڅ مې نه زده نه پوهېږم دا څه پېر شۀ Rahman Baba Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 هېڅ مې نه زده نه پوهېږم دا څه پېر شۀ چې دلدار مې د اغيار په شکل و څېر شۀ 02 زمانه مې د رقيب له لاسه وژني! چې مې سپی گاڼه هغه راباندې شېر شۀ 03 د هجران غمونو هسې په عذاب کړم هغه عمر چې مې لږ گاڼه اوس ډېر شۀ 04 چې په تېغ مې لوبې کړې سزا مې دا ده ښه چې غوڅ مې زړه د ترکو په شمشېر شه 05 تېر ساعت به د هېچا په لاس کښېنوځي اوس به څه وايم و چا وته چې تېر شۀ 06 چې مې نوشه د هجران پياله کړه تلخه د وصال لذت مې کُل زهر و گنډېر شه 07 چې يې نه په وفا ياد نه په جفا وي سکه رحمان د هغه يار له دله هېر شۀ Dictionary meaning × Headword
