غزل هېڅ مې نه زده نه پوهېږم دا څه پېر شۀ رحمان بابا د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 هېڅ مې نه زده نه پوهېږم دا څه پېر شۀ چې دلدار مې د اغيار په شکل و څېر شۀ 02 زمانه مې د رقيب له لاسه وژني! چې مې سپی گاڼه هغه راباندې شېر شۀ 03 د هجران غمونو هسې په عذاب کړم هغه عمر چې مې لږ گاڼه اوس ډېر شۀ 04 چې په تېغ مې لوبې کړې سزا مې دا ده ښه چې غوڅ مې زړه د ترکو په شمشېر شه 05 تېر ساعت به د هېچا په لاس کښېنوځي اوس به څه وايم و چا وته چې تېر شۀ 06 چې مې نوشه د هجران پياله کړه تلخه د وصال لذت مې کُل زهر و گنډېر شه 07 چې يې نه په وفا ياد نه په جفا وي سکه رحمان د هغه يار له دله هېر شۀ د قاموس مانا × اصلي کلمه
