ودره چې څه خو په ياريه شې خبره

ودره چې څه خو په ياريه شې خبره

گورو به چې څه ښېوه په لاس واخلي دلبره

لا دې څه تر اوسه هغه، قد نه دی ليدلی

ځکه د خپل قدر په لافو سر يې صنوبره!

ځای د چپ او ر است چې د کافور د پاسه نه دی

ته يې څه سيالي له تورو زلفو کړې عنبره!

څوک چې نظر وکا هغه ښه کښلي دلبر ته

ځي له ډېرې مينې، د يوسف سوره کازبره

ته يې چې دمخ سره نن شپه برابري کړې

شمعې! دا دعوه تر سبا يوسه برابره

مينه هسې څيز ده چې په چا باندې مين شوې

ولې وينځه نه وي تر بې بي شي په تا بره

لارې دي بې شماره، زر کوڅې دي تر معشوقې

څو به پکې درومې، قدم مه ږده بې رهبره

مه پرېږده له لاسه کار او بار د عاشقيه

چار د عاشقيه تر هر څه ده معتبره

هره شپه چې درومي په خوشال باندې دوزخ دی

شپه دجدايۍ ده که رسېږې پيغمبره!