يا خواه نا خواه منصب دی

يا خواه نا خواه منصب دی

يا يو کونج په لاس کتاب

عادل بادشاه پيدا شو

اورنگ شاه د دين غم خور

دده په دور نه کا

په روڼي ژامه زور

عمل يې په کتاب دی

له علماو يې بېور

خپل پلار تړي په عدل

په فتوا وژني خپل ورور

ښه حق په ځايه وينه

تار په تار يې کړ خپل کور

د دين طلب يې دا دی

د دنيا يې په سر تور

دنگولي حاجت نشته

امرگان که مومي سپور

چې پښه يې په رکيب کړه

له دکنه شور راسور

له مخه يې بلا تله

په جهان يې بل کړ اور

که قحطه که وبا وه

که جهان شو شور ماشور