غزل زه هر ګوره نن د لوړو په حصار ځم Ahmad Shah Durrani Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 زه هر ګوره نن د لوړو په حصار ځم مثل نه لرم هيچرې چې په شمار ځم 02 که مې خپله بلندي موجوده نه وي لکه باد هسې د غرونو په کنار ځم 03 له وحدته چې په امر را بيرون شوم د کثرت په ملکو هره خوا په ښکار ځم 04 دا د مينې ملک مې خپل کړ سرترپايه زه عاشق بندي د زلفو په هر تار ځم 05 د ناسوت په وهم ورک شوې عندليبه زه هم ګل يم چې د مينې په بهار ځم 06 خپله مينه مې ښکاري تعليم مې ورکړ زه غرڅه په کړنګونو د کهسار ځم 07 ملکوت ګوره خاصان د سوموي کړم همېشه د می خوارانو په بازار ځم 08 که اشنائي مې چېرې ناز راباندې وکړي دا مې نشته چې يمين ام که يسار ځم 09 که هر څو دا ستا د مينې وری دروند دی ولې تل د خسته زړونو په کتار ځم 10 احمد شاه ته د زړه بورجل ته ګوره بې ما څوک دی چې دا هسې په ګفتار ځم Dictionary meaning × Headword
