زه خبر ورځنې نه شوم، بهار تېر شو

زه خبر ورځنې نه شوم، بهار تېر شو

د گلونو لون واړه په بل پېر شو

حيف دا چې دگلونو عمر لږ دی

په جهان کې داغزيو عمر ډېر شو

د بهار بلبلې نه راځي په سيل

مگر زړه يې د بهار له سيله سېر شو

هغه گل چې د حمل و، په جوزا کې

ځای يې پاسه يا په سوات، يا په بونير شو

خوږ ژوندون، جدا له ښه شېرينه ياره

په ما خوار باندې يا زهر يا گنډېر شو

هومره غم د بېلتانه لري په زړه کې

د خوشال له دله گشت د بهار هېر شو