نظم
ذکر اسامي د امامانو
Khushal Khan Khattakد جهان دولس امام دی
په حديث کې نام په نام دي
يو علي دويم حسن دی
بل حسين پاکيزه تن دی
چارم زين العابدين دی
بل باقر ستنه د دين دی
بل جعفر ورپسې هم دی
بل امام موسی کاظم دی
بل امام علي رضا دی
محمد تقي بل بيا دی
بل امام علي نقي دی
بل حسن عسکري دی
بل امام، امام مهدي دی
چې د درست جهان هادي دی
د بي بي زهرا اولاد دي
پشت په پشت دا هسې ياد دي
پاک سني هغه آدم دی
چې د آل په عشق محکم دی