ذکر د جزيه د غنيمت

په جهود جزيه روا ده

په هندو ده په ترسا ده

چې په ملک د اسلام اوسي

له هغو دې جزيه يوسي

په دروېش دولس درمه

چې يې واخلي نور بې غمه

په ميانه بست و چهار وي

څلوېښت په دنيا دار وي

په زنانو کودکانو

په پېرانو بندگانو

جزيه هيڅ نه ده واجبه

ځنې مه غواړه نايبه

غنيمت له دارالحربه

مواشي دې نه کړي چربه

رخت لباس کا بندگان دي

زر و سيم که اس اوښان دي

چې په دار اسلام راشي

وېش دې گډ په دا اشيا شي

پنجک بخره د امام ده

نور د درست لښکر تمام ده

که په دا کې څه نقصان کا

زيان د دين و د ايمان کا

د سواره دوه بخره بويه

د پيکه يوه ده زويه