ذکر د خير او د شرم

خير او شر چې له چا کېږي

کفر ظلم پيدا کېږي

په ښه وياړه په بد ژاړه

د سړي فعل دی واړه

که و خدای ته يې نسبت کړې

دا خطا په شريعت کړې

څوک چې ظلم معصيت کا

خدای ولې عقوبت کا

که دا فعل د دار دی

سکه دا دار د ظلم کار دی

چې په خپله فعل و کا

حواله په تا بد ښه کا

که و خدای ته ظالم وايي

صريح کفر به و نمايي

چې بدي کړې ته ظالم يې

که ظالم دمظالم يې

مشيت واړه دده دی

مشيت چې کل دده دی

فعل کړونی يې سړی دی

په ښه بد نيولی دی دی

دا ځای ځای د ښويېدو دی

فکر ډوب په اندېښنو دی

ځان لازم بوله په بدو

مه کړه نور فکر د ردو