ذکر دگناه او په گناه باندې توبه

کبيره گناه چې وکا

خوار شه دی که توبه نه کا

که توبه يې په اخلاص وي

له دوزخه نه به خلاص وي

د عاصي توبه قبلېږي

مغفرت ورباندې کېږي

ځان چې چرک دگناه مومي

دتوبې په صابون درومي

چې توبه يې دنصوح وي

د توبې به يې فتوح وي

د توبې شرطه څلور دي

پښېماني په زړه د نور دي

استغفار ويل په ژبه

بيا گناه مه کړه تائبه

ټينگېدل په توبه جانه

چې بيا نه کړه توبه ورانه

په دا رنگ که توبه گار شې

له توبې به برخور دار شي

که قضا دې وي نمونځونه

يا عشرونه زکاتونه

يا قضا چې روژې ستا وي

يا دخون دعوا په تا وي

که علاج د واړو وکړې

په توبه به نور زړه ښه کړې

ستا توبه ده دخاصانو

يې له خاصو مسلمانو

که توبه دې په غرض ده

دا توبه نه ده مرض ده