زلفې د دلدارې چې زنار فرمايي

زلفې د دلدارې چې زنار فرمايي

څه لره و ماته څوک بل کار فرمايي

سهل دی دا امرکه مې سر و مال قبول کا

څوک په دا ويل کا چې دشوار فرمايي

څه لره ای عقله! ډېر له صبره راته وايې

زه بنده د عشق يم دی تلوار فرمايې

څو راته ناصحه! نصيحت کړې لېونی مې

کله هسې کار کا چې هوښيار فرمايي

ما ترې توبه وکړه چې د عشق په شريعت کې

دين مذهب هغه دی چې دلدار فرمايي

قطع لېونی دی چې ديار د مخ په دور

څوک و ماته سير د گلزار فرمايي

خپله رضا پرېږده که رښتينی يې په عشق کې

کړه هغه خوشاله چې دې يار فرمايي