نظم
ادب د اوبو د څښلو
خوشحال خان خټکادب دا دی چې اوبه څښې
په درې دمه به يې ته څښې
چې يې نوش په يوه دم دی
هغه اوښ دی نه آدم دی
بسم الله اول ووايه
د اوبو په څښه خوش رايه
که د پوه په لار ولاړې
اوبه مه څښه په ولاړې
څوک چې کښېني اوبه څښينه
رنځ زحمت به نه ورځينه
يا الحمدالله زده کړه
په اوبو سينه سړه کړه
ښې سړې اوبه په اوړي
پسې زه يم بوړي بوړي
دا نعمت که سړی مومي
چې يخ آب په اوړي شومي
په هر گوټ چې سپاس نه کا
نا سپاس دی کله ښه کا
که دماتې کوزې ماء خوري
سراسر واړه بلا خوري
چې په مات لوښي کې څښينه
بد که څښينه يا که خورينه