افسوس افسوس دی په دعا کې چې اثر رانغی

افسوس افسوس دی په دعا کې چې اثر رانغی

بې نوره سترگو له زما د عشق نظر رانغی

زما هستي په التفات يې رشک طور نه شوه

زما د يار د تبسم برق و شرر رانغی

په فال زما چې اختر نحس شو اختر چرته دی

فلک د تن مې په گردش دی پرې اختر رانغی

رونق دگل د مخه ځي ورته بلبل کړي ژړا

مړاوی به نه شي ډک د شبنم باد سحر رانغی

ما خو ويل د يار وصال به مسيحا شي زما

هجران وهلی مې تپوس له د پرهر رانغی

بری به يونسې په يوکار کې هم پوه شه حمزه

که دې په خوله د بېنوا اسم اطهر رانغی