اشنا دغم چپې چې وې اوس تېرې غوندې دي

اشنا دغم چپې چې وې اوس تېرې غوندې دي

وعدې خوږې خوږې دې له ما هېرې غوندې دي

لا ډېر شراب مې څښل چې به توبې کړې ډېرې ما

اوس کم شو خو توبې مې هسې ډېرې غوندې دي

نن هم مې زړه ډاډه کړ ستا په بيا چې رانه تلې

سلگی مې په دې دام کې راگېرې غوندې دي

راتگ دې وناڅاپه خفه کېږه مه اشنا

دا اوښکې به کړم توی چې رابرسېرې غوندې دي

دا ټولې بلاگانې ستا د زلفو، د لېمو

قربان چې له حمزه نه راچاپېرې غوندې دي