هزارې واله

نه به نبي سره جوړه څلور ياران ووينم

نه مسافر به په لنګر کښې د عثمان ووينم

نه په دلدل باندې به سور علي حېدرراشي

نه به دنيا ته محمد نبي سرور راشي

که تا سو وګورئ ددې چاربېتې سر چا د رحمان بابا ددې مشهور غزل(رد العجز) په

شان دے

زار شه تر جانان زما ، سر زما سامان زما

سر زما سامان زما ، زار شه تر جانان زما

په شان کړے دے اوچار بېته په هزاره کښې مشهوره شوې ده ولې چا کړے دې دا

معلومه نه ده د طالب چاربېته خو اوس هم مجلسيان په هغه زوړ انداز کښې

وائي خو د قاضي ګل چار بېته مجلسيانو داسې کړه

نه به بيا په ما اختر راشي

نه به دنيا ته محمد نبي سرور راشي

نه به ژوندې يم

کړه: نه به زۀ بيا هغه دوران ووينم

نه به نبي سره جوړه څلور ياران ووينم

نه مسافر به په لنګر کښې دعثمان ووينم نه په دلدل باندې به سور علي حېدر

راشي

نه به ژوندې يم

د چاربېتې شکل بيخي بدل شو مګر وئيلو او زده کړې ته چاربېته اسانه شوه

اوس دا چار بېته هزارې سره لګېدلې سوات شانګله ، الپورۍ ، کابل ګرام وغېره

کښې هم شاعران وائي او مشهورې دي

مثال 1: يا نبي لاس په محشر راکه

پل صراط سره اوبۀ اب کوثر راکه

ډېر ګنهګار يم

( عبد الله جان ،تراوړې ، اوګۍ)

مثال 2: هغه راروان دے

رقيبه لرې شه زما ښکلې جانان دے

پرېږده چې راځي

( پردېسې روشن، د چلندرو، اوګۍ)

چاربېته وئيلو او زده کړې ته خو اسانه شوه خو د راتلونکي وخت نقاد به دې له

چاربېته تسليموي هم او که نه ګو که دا د چاربېتې ټول شرائط پوره کوي