غزل سر زما سامان زما رحمان بابا د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 سر زما سامان زما، ځار شه تر جانان زما ځار شه تر جانان زما، سر زما سامان زما 02 زیان زما نقصان زما، واړه د یار هجر دی واړه د یار هجر دی، زیان زما نقصان زما 03 مښک زما زعفران زما، ستا د کوڅې خاورې دي ستا د کوڅې خاورې دي، مښک زما زعفران زما 04 ګل زما ریحان زما، ستا رخسار و زلفې دي ستا رخسار و زلفې دي، ګل زما ریحان زما 05 فکر زما توان زما، ستا په غم کې نه رسي ستا په غم کې نه رسي، فکر زما توان زما 06 آه زما فغان زما، هېڅ په تا اثر نه کا هېڅ په تا اثر نه کا، آه زما فغان زما 07 زړه زما چشمان زما، بې تا هېڅ حال نه لري بې تا هېڅ حال نه لري، زړه زما چشمان زما 08 دا پیران شیخان زما، ستا په عشق کې نه رسي ستا په غم کې نه رسي، دا پیران شیخان زما 09 باغ زما بوستان زما، بې تا مېوه نه نیسي بې تا مېوه نه نیسي، باغ زما بوستان زما 10 وصل هم هجران زما، اې رحمانه خیر دی اې رحمانه خیر دی، وصل هم هجران زما د قاموس مانا × اصلي کلمه
