باران چې نه وی د شبنم د گل خندل به نه وو

باران چې نه وی د شبنم د گل خندل به نه وو

فتنه په خوب کې چې مدام وی کړېدل به نه وو

گل به د بوی سره خپل رنگ هم کړو له ځانه بهر

خو اشتغال به د بلبل و پېژندل به نه وو

خوب د غفلت که د الفت په مذهب منع نه وی

شبگير و هيلو له تر حشره ويښېدل به نه وو

که سلسله د عشق له عرشه تر زمينه نه وی

نه به وصال و، نه فرقت ، مېنېدل به نه وو

که لتاړ شوی ته په درد بېنوا کې نه وی

حمزه په مينه کې دې حد ته رسېدل به نه وو