غزل بړبوکۍ مې کړو الفت سر و سامان خپل امیر حمزه شینواری د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 بړبوکۍ مې کړو الفت سر و سامان خپل واخله ټول دې شو وحشته بيابان خپل 02 چې وي پوه له يو او بله گيله نه کړي تمدن کې هر انسان وي دخپل ځان خپل 03 بس خو ته يې چې څه غواړې هغه وکړم نه لاسونه زما خپل دي نه گرېوان خپل 04 نور خو څه چې له خپل ځانه هم پردی يم ته مې خپل شه چېمې شي همه جهان خپل 05 اوبه خور د زړه د وينې ور کومه بې خزانه به ساتمه گلستان خپل 06 بالاتر له حرصه ووايه چې ولې لا تر اوسه انسان نه شو د انسان خپل 07 راته خپل مسلمانان نا مسلم وايي چې له ټولو ولې ښه گڼم افغان خپل 08 زه به تل هغه کوم چې مې فطرت دی ته جاري ساته هم داسې امتحان خپل 09 زه حمزه چې يم د تا، تاته منسوب دی نه ده گټه زما خپله نه تاوان خپل د قاموس مانا × اصلي کلمه
