غزل بس بې له خپل ځان د بلې مرستې نه منکرې دي امیر حمزه شینواری د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 بس بې له خپل ځان د بلې مرستې نه منکرې دي گوره مسلمانې حوصلې مې قلندرې دي 02 وروځې دې راښکته شوې بڼو ته يې څه وويل ښکاري چې کږلې دې زما سمې خبرې دي 03 زه چې عاشقۍ و کوم مقام ته رسولی يم هلته عقل څه، چې د الوت سوې وزرې دي 04 سترگې پښتنې به مې وي برندې څو چې پايمه څه که د حالاتو راته تل وروځې ببرې دي 05 خپلې يو رنگۍ داسې فضا ته رسولی يم ساز دي اسوېلي دلته سلگۍ همه سندرې دي 06 ماته د فطرت که هر يو شي وښکلې توره ده روغ به يمه ما چې د وحدت اغوستې زغرې دي 07 ډېر شته داسې لرې چې حمزه وته نژدې وي تل ډېر داسې نژدې شته چې لا ډېر ورځنې لرې دي د قاموس مانا × اصلي کلمه
