بازيگر چې د باز يو صندوق واکا

بازيگر چې د باز يو صندوق واکا

په يوه زمان کې څو بازي بر پا کا

نندارچي چې ورته گوري حيرانېږي

بازيگر چې په بازيو کې بلا کا

عارفان د سر په سترگو گوتې کېږدي

د خپل زړه په سترگو گوري تماشا کا

دا عالم لکه طفلان ورته ښکاريږي

د طفلانو په بازي پورې خندا کا

همېشه خوښي د چا ده، د هغه ده

چې په زړه کې د دنيا چارې فنا کا

د هغه په وفا څه خوښي خوشاله!

چې وفا درسره کا بيا زر جفا کا