غزل چې دا هسې وروځې غوټه، کړې خبرې خوشحال خان خټک د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 چې دا هسې وروځې غوټه، کړې خبرې بدخواهان به زړه رايخ که ښېوه گرې 02 يا زما تر فهم ښه شوې، عاشق ړوند وي يا څوک نشته په ښايست تر تا نادرې 03 ستا تر شونډو، تر غاښونو به يې زار کړم که ياقوت دي، که سره لال، که مرغلرې 04 دا څه جام د ميو نه دی چې يې ته څښې دا می وينې د عاشق دي چې يې نغرې 05 هغه کار لکه دوه تورې سترگې وکا هسې کار نه شي په توره په لښکرې 06 دوه قدمه بېلتون هم له ياره مرگ دی څوک په څو پايې ژوندي له ياره لرې 07 د بڼو ناوک يې ښوی درومي تر زړونو د ترکانو غشي ښوی درومي تر زغرې 08 دواړه شونډې د خوشال خټک په خوله کړه و توتيانو ورکوي خلک شکرې د قاموس مانا × اصلي کلمه
