چې مې غم کړو زړه کباب په شراب خوښ يم

چې مې غم کړو زړه کباب په شراب خوښ يم

که وحشي يم په نعمت د شباب خوښ يم

که فنا د عشق په سيند کې ده، ژؤند هم شته

روانۍ کې په مثال دحباب خوښ يم

که نغمه، شاهد هوسۍ، دخوب عالم وي

ای غافل اوده عالمه په خواب خوښ يم

خاموشي ديار له وصفه وفا نه ده

زه گويا دهغه ښکلي په باب خوښ يم

د نوکر په غلامۍ کې عزت چرته

چا کرۍ د ازادۍ کې حساب خوښ يم

اضطراب مې دارمان له زبېرگو جوړ شو

زه حمزه لکه ډک جام په افتاب خوښ يم