چې نظر باز و بې نظر پاتې دی

چې نظر باز و بې نظر پاتې دی

ډېر چې خبر و بې خبر پاتې دی

چې مې ارمان د خپل نظر پاتې دی

لا خو احساس د کوم خبر پاتې دی

عشقه بې باکه اوس خطر دی په کار

ورک چې خطر شو دا خطر پاتې دی

زيات دې جنون شي د اشنا په ليدو

عشقه په تا کې لا هنر پاتې دی

بار د وفا دی غورځول مشکل

بار د پښتو مې لا په سر پاتې دی

نن په رندانو کې چې نشته خروش

ساقي ويل چې څوک بهر پاتې دی

دا سخاوت د تبسم يې حمزه

څوک به پرې موړ وي څوک نهر پاتې دی