چې په خوب کې د بوسې دې تر ې غلا وکړه

چې په خوب کې د بوسې دې تر ې غلا وکړه

يوځل بيا ويښه زړگيه خطا وکړه

ستا دتورو خمارو سترگو په غم کې

ټوله شپه مې لکه پرخه ژړا وکړه

چې غماز دې د پل نه شي گرد دلارې

د ښکالو نه پټه پېښه په ما وکړه

د وصال د شپې سحر چې سندريز شي

يار اوده کړه د زړه سازه نوا وکړه

بې له تا هم د تياره په فراقجنو

شپې ته څه د راز خبره سبا وکړه

چې همه عمر مې ستا رضا نيولې

ياره يو ځل خو زما هم رضا وکړه

په ليدو مې دې خورې زلفې کړې ټولې

په هيبت کې د پردې دې بلا وکړه

جوړ حمزه به ياره تا ويشتلی نه وي

په خندا چې ورته وايې دوا وکړه