غزل
چې پيدا چېرې په ملک کې يو حبيب شو
خوشحال خان خټکچې پيدا چېرې په ملک کې يو حبيب شو
لکه خار ورته په څنک کې بل رقيب شو
محمد ته ابوجهل نصيحت کا
راشه گوره، څوک رنځور شو، څوک طبيب شو
د دانا په خپل وطن کېقدر نه وي
دُر هال قدر پيدا کړ، چې غريب شو
په چمن کې رنگا رنگ گلونه ډېر دي
د زړه داغ مې د لاله د زړه نصيب شو
که يې رنگ و بوی وگل نه وای ورکړای
مبتلا به باندې ولې عندليب شو
راشه تور و سپين د سترگو ننداره کړه
هغه يار راسره لا تر دا قريب شو
چې پرون را سره يار و، خبر نه يم
نن له ما نه بيا وېزار په کوم تقريب شو
تناوونه يې دزلفو دي، دا زړه مې
لکه ملک د ياغي لاندې تر تخريب شو
چې يې پرېښوده ياري د لېونيو
گومان مه کړه چې خوشال خټک لبيب شو