چې صحبت له ملوکانو سره کاندې

چې صحبت له ملوکانو سره کاندې

بويه دا چې ويل نه کا لاندې باندې

په رښتيا ويل دې هسې باوري شي

چې پيدا کا خپل عزت دده د وړاندې

که يې دواړه پښې تڼاکې په خدمت شي

دخدمت منت دې نه کا په ده باندې

حاسدان به يې زوال د دولت غواړي

همېشه دې لوگوي و ځان ته سپاندې

د غضب په وخت دې لېرې ځنې گرځي

د خوښۍ په وخت دې عېش ورسره کاندې

چې نادان ته نصيحت وايې خوشاله!

دا دې واړه ناداني ده په ځان خاندې