غزل چې تا وته نظر کړم، نور مې هېر دي ښايسته خوشحال خان خټک د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 چې تا وته نظر کړم، نور مې هېر دي ښايسته په طور دی مين يم، گڼه ډېر دي ښايسته 02 هم ځان راته ښکاره کا، هم مې ورک شي زر له سترگو په دا کلي کې واړه پري ځېر دي ښايسته 03 تلخي يې دهجران بده بلا ده، عاشق وژني چې دا يې را په ياد شي، څه گنډېر دي ښايسته 04 ياران لري زرگونه، د هر چا سره ساز باز کا په قول، په وعده ځکه تېر بېر دي ښايسته 05 تل جور، تل جفا، تل ستمونه په عاشق کا په دا واړو کارونو کله سېر دي ښايسته 06 دچين او د ما چين مې اوېدلي دي په غوږو په سترگو مې ليدلي د بونېر دي ښايسته 07 ځواني لاړه خوشاله! راوړه زر، که عاشقي کړې يا زر دی، ياځواني چې ورته زېر دي ښايسته د قاموس مانا × اصلي کلمه
