چې توفيق ورکوي رب العالمين دی

چې توفيق ورکوي رب العالمين دی

له آزاره په ستنه اوسه درست دين دی

په هر لور چې غورځوي سړی هوا ده

د هوا فرس و هر لوري ته زين دی

څوک چې خوښ نه وي له ځانه، هيڅوک نشته

هر سړی خپسر دانا گڼي، يقين دی

په بهبود د خپلې چارې هر څوک مټ کا

په خپل زړه کې هر تنگ خرڅ بالا نشين دی

د دستار د سيوري رنگ واړه يکرنگ دی

که دستار په سر يا سور، يا تور و سپين دی

خبشي که په ځان نوم د کافور کښېږدي

سر ترپايه و هرچا وته مبين دی

ازمېښت د دهر و گوره خوشاله

چې ملک د شياطين سره قرين دی