چې يوه مې ده نيولې

چې يوه مې ده نيولې

په رښتيه مې ده نيولې

لکه يو يو مرد يې نيسي

هم هغه مې ده نيولې

څوک دې هيڅ ملامت نه کا

عجب ښه مې ده نيولې

اوس به نه درومي له مانه

چې له زړه مې ده نيولې

په هيڅ رنگ به پرېښوه نه شي

چې ترې پښه مې ده نيولې

گوندې وي، راباندې راشي

سر پره مې ده نيولې

که يې نه وينم په سترگو

ښايسته مې ده نيولې

گوندې سمه شي عالمه!

که کږه مې ده نيولې

د خوږو هيله خوشال کړم

چې ترخه مې ده نيولې