غزل چې يې مخ تر گل زېبا دی، يار زما دی خوشحال خان خټک د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 چې يې مخ تر گل زېبا دی، يار زما دی چې په مخ عندليب شوم کار زما دی 02 چې يې تش په کوڅه تېر شوم لېونی شوم که يې ووينم په سترگو زار زما دی 03 که واعظ مې د ښه مخ له مينې نسي که مې لاس ورباندې بر شي پلار زما دی 04 بې له کښليه زېبا مخه که گلزار وي چې هر گل وته نظر کړم خار زما دی 05 چې هر لوري وته درومم ، په غم اوړم ته به وايي غم يکلخته ښکار زما دی 06 همېشه به په ما وار د رقيب نه وي بيا له خپله بخته خوښ شوم وار زما دی 07 د خپل يار سره دوزخ زما قبول دی که بې ياره جنت مومم نار زما دی 08 بت پرست کله د بت له مينې اوړي زه که مينه د يار پرېږدم عار زما دی 09 زه خوشال چې د منصور په مذهب خوښ شوم اوس څه غم چې زه د داريم دار زما دی د قاموس مانا × اصلي کلمه
