غزل
د قام زلمو سترګې مو پورته کړئ خپل ځان وګورئ
خاطر افریديد قام زلمو سترګې مو پورته کړئ خپل ځان وګورئ
چرته کښې ورسېده, وګورئ جهان وګورئ
د قام زلمو زمونږ هم دغه د ختو ورځي دي
دا مو د ژوند د ښه کېدو د خوشحالو ورځي دي
د نمر په څېرې خپل طاقت په ټول جهان خور کړئ
په خپل همت هر چرته نوم د پاکستان خور کړئ
شاته نور مه ګورئ په وړاندې خپل قدم کښېږدئ
په ورانو لارو باندې مه ځئ قدم سم کښېږدئ
له مخې لرې کړئ ازغي ځان ته ګلونه کښېږدئ
شي چې اغيار درته حېران هلته کښې پلونه کښېږدئ
مونږ له چې مخې له راغلي وار خطا تلي دي
زلمو زمونږه ځنې ډېر زلمي په شاتلي دي