د عالم په رنگينو کې دغه برخه د سړي ده

د عالم په رنگينو کې دغه برخه د سړي ده

کله وايي چې يخني ده، کله وايي چې گرمي ده

کور په سرو اسوېلو کړې کېږدۍ جوړې د تڼاکو

خښو يې گرم هېواد نه دی خو مجبوره ده يخني ده

دا چې ويښه ورته وايو ارږمی مې د فطرت دی

دا چې پوهه ورته وايو دا همه بې خبري ده

ځان ليدل په بل کې غم شي اختلاف د غم سبب وي

چا که ځان په ځان کې وليد د ټول عمر بې غمي ده

د کمال له خاوندانو دنيا ځان ته کړه ودانه

په تيرو کې د هر ستوري ښکاره خپله رڼايي ده

ای زما پښتون ارمانه اسرې پرېږده چې کامل شې

ستا د ظرف امتحان ته خو لازمه بې کسي ده

عشقه تا د يار باڼه کړل دغونچې هسې حمزه ته

که ويل ورته هوس به چې پنجه د امزري ده