دا ښه گل چې يې کمی دجمال نشته

دا ښه گل چې يې کمی دجمال نشته

د وفا يې حيف دا دی څه حال نشته

که وفا، بقا يې هم وای څه به ښه وو

د ښايست يې په دا دور څوک سيال نشته

عالم زړه په هيڅ خورسند کا چې وصال وي

د هر چا بخره هجران دی، وصال نشته

چې يې وصف د جمال کاندې تر سره

هر چا زده واصفانو مجال نشته

منونه منونه، ظلم جور په کې پروت دی

د ناترس خاطر يې مهر مثقال نشته

د غمزې په تېغ عالم وژني، غم نه کا

ته به وايې چې ثواب دی، وبال نشته

لکه ډک په ښو گلونو په هر کال و

ددې باغ هغه گلونه سږ کال نشته

راته څه وايې چې يار په تا مين دی

مختصر به درته وايم څه حال نشته

ما خوشال وته په زوره نارې وکړې

چا وماته ځواب راکړه خوشال نشته