غزل دا ښه گل چې يې کمی دجمال نشته Khushal Khan Khattak Word meanings A− A+ Text size: 100% Copy Print Share Use the arrow keys to move between words. Press Enter or Space to open a meaning and Escape to close it. 01 دا ښه گل چې يې کمی دجمال نشته د وفا يې حيف دا دی څه حال نشته 02 که وفا، بقا يې هم وای څه به ښه وو د ښايست يې په دا دور څوک سيال نشته 03 عالم زړه په هيڅ خورسند کا چې وصال وي د هر چا بخره هجران دی، وصال نشته 04 چې يې وصف د جمال کاندې تر سره هر چا زده واصفانو مجال نشته 05 منونه منونه، ظلم جور په کې پروت دی د ناترس خاطر يې مهر مثقال نشته 06 د غمزې په تېغ عالم وژني، غم نه کا ته به وايې چې ثواب دی، وبال نشته 07 لکه ډک په ښو گلونو په هر کال و ددې باغ هغه گلونه سږ کال نشته 08 راته څه وايې چې يار په تا مين دی مختصر به درته وايم څه حال نشته 09 ما خوشال وته په زوره نارې وکړې چا وماته ځواب راکړه خوشال نشته Dictionary meaning × Headword
