نظم
د وطن ترانه
ګل پاچا الفتوطن دی کور زمونږ د سترگو تور زمونږ
اوبه يې دي لکه شودې د خپلې مورزمونږ
وطن دی کور زمونږ
دوطن خاورې دي زر ترې پيدا کېږي ثمر
دی نمک خور ددې وطن پلار دی که مور زمونږ
وطن دی کور زمونږ
که يې آباد نکړو خپل ځان به ښاد نکړو
ددې کاله ده خرابې يول وی پېغور زمونږ
وطن دی کور زمونږ
په کار اوزيار د هر چا جوړيږی ښکلی دنيا
د وطن سترگې منتظرې دی په لور زمونږ
وطن دی کور زمونږ
راشئ چې وکړو خدمت په ځان قبول کړو زحمت
کوي خدمت دخپل وطن گاونډيان نور زمونږ
وطن دی کور زمونږ
راکوي مونږ ته وطن هر څه چې غواړي بدن
آب ودانه ده د وطن قوت او زور زمونږ
وطن دی کور زمونږ
په مونږ حقونه لري هر راز پورونه لري
بايد چې دا حق کړي ادا ورور وي که خور زمونږ
وطن دی کور زمونږ
وطن محبوب دی زمونږ وطن مطلوب دی زمونږ
که يې ونه ساتوله نورومخ دی تور زمونږ
وطن دی کور زمونږ
په دې هوا لويېږو په دې مينا مستېږو
خدای دې مدام لري دا باغ وبڼ سمسور زمونږ
وطن دی کور زمونږ ـ