د سر درد علاج

که تازه ماهي څوک واخلي

که دوهو وي لا بهتر

اندرون يې درست خالي کا

آلايش يې کا بدر

د مرده په پاڼو يې ډک کا

دده گېډه درست جگر

بيا يې گېډه سره کوک کا

چې محکم شي لرو بر

د کونجد په تېل يې پوخ کا

چې ښه پوخ شي سراسر

بيا دې پوخ ماهي راواخلي

له روغنه گرم تر

په طباخ کې دې يې کېږدي

چې غوړي شي ترې بدر

بيا دې صاف هغه غوړي کا

په شيشه دې يې کا در

په صماخ کې يو څو څاڅکي

يا په پوزه کې اندر

چې د درد څښتن دا وکا

پرې ور کېږي درد سر

که هغه ماهي څوک وخوري

سود دباد لري بېشتر