د سر درد علاج

که تازه ماهي څوک واخلي

که روهو وي لا بهتر

اندرون يې درست خالي کا

الايش يې کړه بدر

د مروه په پاڼو ډک شي

دده گېډه درست ځيگر

بيا يې گېډه سره کوک کا

چې محکم شي لر و بر

د کونجد په تېل يې پوخ کا

چې ښه پوخ شي سراسر

بيا دې پوخ ماهي راواخلي

له روغنه گرم تر

په طباخ ې دې يې پرېږدي

چې غوړي شي ترې بدر

بيا دې صاف هغه غوړي کا

په شيشه دې يې کا در

په صماخ کې يې يو څاڅکی

يا په پوزه کې اندر

چې د درد څښتن دا وکا

پرې ورکېږي درد سر

که هغه ماهي څوک وخوري

سود يې ياد لري بېشتر