غزل دا زما زړگی په خپل زړگوټي نسه خوشحال خان خټک د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 دا زما زړگی په خپل زړگوټي نسه چې دې زړه وي، زما زړه هم هسې کسه 02 دا د وړکيو خوی دی څه ونيو په لاس کې چې زر زر څه ورکوې بيا يې رانسه 03 زه به هيڅکله د تا له وره وانه وړم که هر څو وايې چې مه راځه ناغسه 04 که هر څو د شندې گل څه ښه ليده شي رخ يې نه دی چې سيالي کا له نرگسه 05 چې يې تل و غوا و غېلو ته سورې وي خدای دې واخله د بې دردو مجالسه! 06 هر دم دار يې په خپل کار کې دی خوښ کړی که سړی دی که، پېری که کوس و غسه 07 چې يو هم د زړه سانونی په کې نشته توبه توبه د خټکو له اولسه 08 زه خوشال چې په مزريو باندې تيځ کړم تاته څه رنگه گيدړ شوم ترو مې کسه د قاموس مانا × اصلي کلمه
