غزل د ځوانيې په خوبيه کې څه شک دی خوشحال خان خټک د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 د ځوانيې په خوبيه کې څه شک دی د پيريې عمر درست له عيبه ډک دی 02 پرهارونه مې په زړه تازه، تازه شي د وړولی په پرهار باندې نمک دی 03 که ښادي درباندې راشي، پرې خوښ مه شه! په ښاديې پورې هر کله غم لک دی 04 هيڅ فرياد دچا د ظلم ، جور مه کړه! په هر چا باندې چې شندې کا فلک دی 05 غم يې بې حکمته نه دی پيدا کړی د نامرد د مرد په منځ کې غم محک دی 06 څو چې ډېر ډېر لذتونه ډېر غمونه ښه هغه چې بس يې گېډې ته کنډک دی 07 توره چا وته تړم چې زه ملنگ شوم ښه خو داچې مې په غاړه يو کوتک دی 08 تفحص که څوک دخوږو زړونو کاندي د خپل قوم له لاسه ورک خوشال خټک دی د قاموس مانا × اصلي کلمه
