غزل دنيا بده بلا ده چې و ما وته ښکارېږي خوشحال خان خټک د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 دنيا بده بلا ده چې و ما وته ښکارېږي په دې له خپله پلاره سکه زويه وېزارېږي 02 چې څوک وبله خپل دي ولې فهم فکر نه کا چې مرگ شته په دنيا کې سره ولې نه ځارېږي 03 په هر لوري چې گورم ، و عالم و ته حيران شم دنيا د هيچا نه ده چې دنيا سره خوارېږي 04 و بل ته توره واخلې، په دا کار کې ډېر حيران شي چې خپل دې په بدۍ شي ستا و جنگ ته تيارېږي 05 چې بخت راسره مل و، مار به ماته څرمښکۍ شوه چې بخت و ماته شا کړه څرمښکۍ راته مارېږي 06 دنيا دمست هاتي په خوی خصلت ده که يې گورې چې يو مهاوت ومړ بل يې شاته تيارېږي 07 عالم عالم غمونه چې خوشال ويني له خپلو غم خور يې که پيدا شي خپل، پردي ته به شمارېږي د قاموس مانا × اصلي کلمه
