نظم
دارو د يرقان او د جولې
خوشحال خان خټکوسپنخړی واخله ياره
ور سره شهد هوښياره
هم خوږې شړومبې دغوا کړه
هر يو، يو درم پيدا کړه
په نهاره دا درې څيزه
سره وخوره ای عزيزه
بيا دميو روټۍ بويه
د غرمې په وخت ای زويه
د غرمې په وخت يې وخوره
غوړ د غوا ور سره ته خوره
اوه ورځې دا رنگ ته کړه
نور دې هر کار ته شا ته کړه
خو پرهېز دې پرې ډېر سخت وي
زر به روغ شي که دې بخت وي
په لوی طب کې مې ليدلي
بيا په خود مې آزمايلي