غزل ډېر چې څومره ښکلي جمالي شي جلالي شي امیر حمزه شینواری د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 ډېر چې څومره ښکلي جمالي شي جلالي شي ډېر چې جلالي شي کله کله جمالي شي 02 غم مې اوس په کور د زړگي نه راځي وېرېږي چرته راغلط چې شي ترې جوړه خوشحالي شي 03 عشقه دا د سترگو کچکولو نه دې خدای ټپ کړه مخکې که څوک ړوند شي پسته خير دی که سوالي شي 04 حال راته په کوکو شپېلۍ ووې د مېنو ډک شي تل په مينه کې خو هله چې خالي شي 05 زه په هر يو رنگ کې اشنا نه غلطومه واړه کاينات که مشهودي شي که خيالي شي 06 دا هستي که خوب ده تښتېدل يې هله بويه ور کې په ديدن پسې چې سترگې مثالي شي 07 ناوې د عقبی ته هم حمزه ملتفت مه شه ټولې رنگينۍ ددې دنيا يې که کالي شي د قاموس مانا × اصلي کلمه
