علاج د سيري

د سيري يو ښه علاج دی

صحيح غشی دآماج دی

ستا صورت به په دا ښه شي

که په هيڅ دې علاج نه شي

چې اول سحر شي پاڅه

دمولا و در ته خاصه

اودس وکړه خاص الخاصه

خدای ته ودره له اخلاصه

ته چې نوی وضو وکړې

دوه رکعته نمونځ به وکړې

مناجات وکړه مولی ته

وشافي عليم دانا ته

اوبه واخله ته له شهره

په گوشه له تمام شهره

اسم دا لوله زر ځله

په حضور دزړه په ځله

چې ياحي يا قيوم دی

و هر چا وته معلوم دی

دا اوبه ورباندې دم کړه

زر يې نوش په هغه دم کړه

سبا بيا وکړه دلبره

دا رنگ کار دزړه سره

بل سبا دې بياهم وشي

ستا صحت به په دا وشي

آزموده دي له بزرگانو

مجرب دي ای يارانو