غزل عشق په زړه کې مقام ونيو گريان تېر شو امیر حمزه شینواری د کلمو ماناوې A− A+ د متن کچه: 100% کاپي چاپ شریکول د غشو په تڼیو د کلمو ترمنځ لاړ شئ. د مانا د پرانیستلو لپاره Enter یا Space ووهئ او د بندولو لپاره Escape ووهئ. 01 عشق په زړه کې مقام ونيو گريان تېر شو د وصال کعبه جوړېږي طوفان تېر شو 02 چې پخلا شو اشنا راغی ژړا لاړه ورېځ ورکه نمر راوخوت باران تېر شو 03 د بېلتون غبار مې پنډ د زړه په لارو قاصد نشته جرس، تت شو، کاروان تېر شو 04 ای قاصده دروغ وايې يا رکه باد و دادی اوس زما د زړه په بوستان تېر شو 05 چې جنون دعشق نه عقل ماتې وکړه که دا غم له گرانو گران و اسان تېر شو 06 حمزه مخ يې چې ښکاره کړ بيا يې پټ کړ لکه برق چې دهستۍ په اسمان تېر شو د قاموس مانا × اصلي کلمه
