عشق تر ځوانه نه زوړ لا کا زر نسکور

عشق تر ځوانه نه زوړ لا کا زر نسکور

په پخه ونه لاښه لگېږي اور

اندرون د هر چا شين د عشق په شين دی

دا يو اور دی لگېدلی لور په لور

چې په عشق کې څوک پېغور تړي په نورو

هم په ده پورې به لک وي دا پېغور

زاهد ورچنې انکار کاندي له عشقه

نل د من، ليلا مجنون لولي په کور

چې د مزکې د اسمان په منځ کې څه شته

زه همه وينم له عشقه سپين و تور

زه خيران يم، دا مې څه دي په گوگل کې

چې په ورځ و شپه پرې تل دی شر و شور

په وصال کې سل هراسه د هجران وي

په هجران کې خو غم يو دی نه وي نور

جهان واړه کور د عشق د محبت دی

په خوشال باندې بانډه شو رنتبهور