فصل د خراج

که آفت په ځمکه کښېوځي

له هر چا نه خراج پرېوځي

ملک چې فتح شي په توره

پرې خراج دی زما پوره

په هر گز د کښت د ځمکې

يو درم قفيز بې کرکې

گز يې لوی ارش نه پست دی

هر ارش يې شصت در شصت دی

په سبعه وزن درم دی

نه څه زيات وي نه څه کم دی

هر درم هفتاد ديناره

دا حساب لره وشماره

قفيز څه دی قفيز صاع دی

صاع اته رطل اوضاع دی

چې انگور په ځمکه کېږي

لس درمه پرې رغېږي

په سبزه پنځه درمه

نور پر مه کړه زيات و کمه

چې زعفران په ملک کرينه

خراج هومره څو زغمينه

مېوه داره ځمکه ياره

په حساب يې هسې شماره