نظم
فصل - د نفل دمانځه
خوشحال خان خټکمکروهات لري لس وخته
نفل نمونځ لره نېکبخته
قضا نمونځ په کې گذاره شي
نفل نمونځ گذاره نه شي
يو چې وخت د صبحدم شي
تر سبا دې نفل تم شي
بل چې نمونځ د سبا وکړه
ژر به نفل پسې نه کړه
بل چې نمونځ دعصر وشي
تر ماښامه نفل نه شي
بل چې بانگ دجمعې وشي
بې جمعې دې نور څه نه شي
بل چې نمونځ په ادينه کا
په منبر خطيب خطبه کا
چې قامت د جمعې وکا
تطوع دې هيڅوک نه کا
چې خطبه د عيد شروع شي
نفل هور ته نا مشروع شي
چې خطبه د تراوېح شي
نفل هورته نا صحيح شي
چې خطبه داستسقا شي
نفل هور ته ناروا شي