فصل - د قضا نمونځونو

چې يو نمونځ په قصد قضا که

کبيره گناه عمدا که

هغه کس دخدای عاصي شي

که يې بيا وکا خلاصي شي

نور دې هسې توبه گار شي

چې مانځه ته تل تيار شي

څوک چې درې شبانه روزه

نمونځ قضا که نور يې بوزه

سر يې ووهه بې درنگه

مه کړه غم دده له جنگه

حکم دا د لوی امام دی

د بې نماز ژوندون حرام دی

روايت په تحقيق دا دی

د بې نماز قتل روا دی

که يو نمونځ سړی قضا که

شافعي روايت دا که

د هغه قتل روا دی

که بنده دی که مولا دی

که په عذر نمونځ قضا شي

اعاده د مانځه بيا شي

عذر څه دی عذر خواب دی

يا که اور و باد و آب دی

يا په بند هسې بندي وي

چې اوبه ځنې خوندي وي

يا بېهوش يا دېوانه وي

يا يې سهوه په خانه وي

يا په رنځ هسې بيمار وي

چې سجود باندې دشوار وي

په دا هسې شان عذرونه

که قضا شي شپږ نمونځونه

د ترتيب فکر يې نشته

که پنځه وي باندې څه شته

فوت نمونځونه دې ادا که

ور پسې دې وقتي بيا که

که قضا وي ډېر نمازه

واړه شمار کړه له آغازه

په هر هر مانځه دوه منه

غنم ور کړه ده روشنه

د مانځه قضا په دا شي

د سړي غاړه ادا شي

عالمانو دي ويلي

چې دوه منه دي پسندلي

چې قضا شبانه روز وي

په ادا کې يې فيروز وي

که وارث يې گردن خلاص که

په دا کار کې ښه اخلاص که