گوره مه نغوېږه د اغيار خبرې

گوره مه نغوېږه د اغيار خبرې

په زړه دې راشي د انکار خبرې

دا زما ژبه د ډيوې ژبه شي

چې کوي ستا د انتظار خبرې

زه يې د غږ سره اشنا يمه ښه

څه خو دې وکړي پرده دار خبرې

لږ يې ډاډه کړه تسلي ورکړه

پسته بيا واوره د بيمار خبرې

ستا انتظار ورله بوږن راووړ

سترگو مې راښکې د ځمبار خبرې

زړگيه ژوند دې مبارک شه خوشحال

که اورېدی شي د هوښيار خبرې

حمزه! د ښکليو په گفتار مه ځه

ماته يې وکړه د کردار خبرې