نظم
جلوه
عبدالباري جهانيزه رباب ته مي شهباز يې
زه نغمه يم ته مي ساز يې
زه مقام يم ته مي سور يې
زه آهنګ يم ته آواز يې
ته لمبه يې زه دي شمع
زه پتنګ ته مي پرواز يې
زه مجنون ته مي جنون يې
زه محل ته مي ممتاز يې
ته مي سُر د لېونتوب يې
ته زما د جنون راز يې
هم ناظم يې هم مي نظم
ته هم سوز يې هم ګداز يې
زه له کومي فنا تښتم
چي انجام ته مي آغاز يې
دا د کومي پيالې بنګ دئ
چي نشې پکښي مستېږي
دا د کومي نغمې شرنګ دئ
چي شهباز پکښي نڅېږي
دا د کومي سلګۍ اور دئ
چي لمبې پکښي ويلېږي
دومره پوه يمه چي ته يې
هم وجود يې هم جلوه يې
تصوير ستا د جمال زور دئ
محفل ستا د لمبې شور دئ